Bateria aurreratuak
Litio eta litio osteko bateria-teknologietarako polimero berriak garatzen ditugu, energia-biltegiratzerako soluzio seguruagoak, jasangarriagoak eta eraginkorragoak bultzatuz.
Litiozko baterietara eta sodio, zink, magnesio edo kaltziotan oinarritutako teknologia emergenteetara zuzendutako ion-eroale polimero eta polimero redoxen diseinua ikertzen ditugu. Gure jardueraren ardatz nagusietako bat egoera solidoko litio metalezko baterietarako polimero-elektrolitoen garapenean oinarritzen da.
Halaber, bateria-ekoizpen eta -birziklapenean jasangarritasuna bultzatzen duten polimero-lokailu belaunaldi berri batean ere lan egiten dugu. Gainera, polimero redoxen potentziala aztertzen dugu teknologia emergentetan, hala nola redox-flow bateriak eta bateria guztiz organikoetan.
