Erreaktoreen ingeniaritza
Emultsio-polimeroen ekoizpen erreproduzigarria optimizatzeko monitorizazio- eta kontrol-estrategiak garatzen ditugu.
Emultsio-polimeroak azken emaitza fabrikazio-prozesuaren mende estu-estu duten produktuak dira. Haien propietateak ezaugarri makroskopikoek zehazten dituzte, hala nola kopolimeroaren konposizioak, masa molarraren banaketak, adarkatze-mailak eta sareatze-dentsitateak, bai eta propietate koloidalek ere, besteak beste partikula-tamainaren banaketak, gainazalaren konposizioak eta morfologiak.
Oraindik mugatua den oinarrizko ezagutzak ekoizpen sendo eta erreproduzigarria zailtzen du. Horregatik, emultsio-polimerizazioko erreaktoreetarako lineako monitorizazio- eta kontrol-estrategien garapena ikertzen dugu. Gure lanak jarraipen-sentsore berrien ebaluazioa eta denbora errealean aplika daitezkeen eredu matematikoen eta kontrol-estrategien garapena hartzen ditu barne, prozesuen kontrol aurreratua hobetzeko.
