Makina-ikaskuntza polimeroak garatzeko
Ezagutzak gidatutako makina-ikaskuntza erabiltzen dugu prozesuak optimizatzeko eta material polimeriko berriak diseinatzeko.
Makina-ikaskuntzak erlazio konplexuak kuantitatiboki ezartzea ahalbidetzen du, polimerizazio-sistemetan agertzen direnak kasu, baina entrenatzeko datu kopuru handiak behar ditu. Hala ere, zientzia fisikoen arlo askotan, eta bereziki ingurune sakabanatuetako polimeroen kasuan, datuak urriak dira, karakterizazioa konplexua delako eta denbora asko eskatzen duelako.
Gure ikerketak datuetan soilik oinarritutako ikuspegiak gainditu eta ezagutzak gidatutako makina-ikaskuntzaren ahalmena erakutsi nahi du. Ikuspegi horretan, oinarri zientifikoak zuzenean integratzen dira ereduetan, algoritmoek datuak aztertzeko duten gaitasuna baliatzeko informazio multzo masiborik behar izan gabe. Aplikazio nagusien artean daude erreaktoreen kontrola, formulazioen diseinua eta material polimeriko berrien garapena.
